19,00 €
Unha orixinal frecha de chocolate para agasallar e celebrar o Amor.
Un regalo único, unha explosión de dozura para sorprender á persoa amada e compartir con ela o goce dos cinco sentidos.
Esta creación especial do noso obradoiro inclúe un poema de amor do poeta allaricense Carlos Da Aira.
Unha das creacións especiais de Fina Rei é esta exquisita frecha de chocolate, cun deseño visual moi fermoso e unha elaboración delicada. Un doce especial para unha data especial.
A escusa perfecta para probar o amor. Esta frecha de chocolate é capaz de provocar unha explosión de dozura e de activar os cinco sentidos.
A punta desta frecha é de bombón de framboesa, a vara é de chocolate con leite e as plumas de pastillaxe, unha pasta elaborada a base de azucre. A frecha de chocolate descansa nun leito de gianduja de canela, dentro dun estoxo de deseño especial e coidada presentación estética.
O último toque de romanticismo incorpórao o intenso poema de amor do poeta Carlos Da Aira, escrito especialmente para acompañar a nosa frecha de chocolate, por encargo de Fina Rei.
Esvarar na noite pecha
como escorrega o orballo
no suave gume da frecha
que parte cara ao seu albo.
Romper en anacos o espazo
cos nosos trémulos dedos,
fundirnos en doce abrazo,
devorarnos os segredos.
Quero comerte a petiscos,
degustarte, ulirte, amarte
lonxe do tempo e das présas.
Quero facer contigo
o que fai o chocolate
coa canela e as framboesas.
– Carlos Da Aira, 2021
Elaboramos as nosas frechas baixo pedido e podemos envialas no teu nome a calquera punto da península e cunha mensaxe especial.
Levamos máis 50 anos creando repostería desde Allariz, innovando para crear doces exquisitos e orixinais coma esta frecha de chocolate. No noso obrador utilizamos só ingredientes naturais de gran calidade, sen conservantes, colorantes artificiais ou aditivos.
INGREDIENTES: Abelá, cobertura de chocolate con leite 40%, manteiga, fariña de trigo, canela, framboesa, sal, azucre e limón.
ALÉRXENOS: froitos de casca, glute, soia, leite.
PESO: Frecha grande 300 g. – Frecha pequena 200 g.
CADUCIDADE: 5 meses desde a recepción do produto. Envasada en atmósfera modificada.
ENVÍO: todos os produtos de Fina Rei envíanse recén elaborados e embalados para que os recibas na túa casa nas mellores condicións para o seu consumo.
AGASALLA FINA REI. No proceso de compra, podes indicar que o pedido é un agasallo e enviarémolo sen prezo, coa embalaxe de agasallo e coa mensaxe que nos indiques.
Subscríbete para estar á última sobre os nosos produtos
En cumprimento do disposto no Regulamento (UE) 2016/679 do Parlamento Europeo e do Consello, do 27 de abril de 2016 e na lexislación vixente en materia de protección de datos, informámoslle de que o correo electrónico que nos facilitou será tratado baixo a responsabilidade de FINARREI. S.L. para procesar a súa solicitude de subscrición e poder enviarche periodicamente o noso boletín informativo. Os datos non serán cedidos a terceiros salvo obriga legal.
A base lexítima é o consentimento, que pode ser revogado en calquera momento, cancelando a súa subscrición ao Newsletter, enviando un correo electrónico a info@finarrei.com
Poderá exercer os seus dereitos de acceso, rectificación ou supresión, cancelación, oposición e limitación do tratamento dos seus datos, así como solicitar a súa portabilidade, dirixíndose por escrito ao enderezo de correo electrónico indicado anteriormente.
© 1971 - 2023 FINARREI S.L. | Todos os dereitos reservados
Financiado pola Unión Europea - NextGenerationEU
Reseñas
Aínda non hai valoracións.