Ovos de Pascua Fina Rei
Aqueles padriños que busquen esta Semana Santa os ovos de Pascua máis saborosos para os seus afillados e afilladas, poderán atopalos unha vez máis nas tendas de Fina Rei en Allariz e Ourense. Feitos no noso obradoiro a base de chocolate artesán da máxima calidade, todos eles levan engadida unha sorpresa para que os máis pequenos da casa gocen dobremente dun regalo que sempre é especial por esta datas.
É importante subliñar que o chocolate a partir do que se elaboran os nosos ovos de Pascua é elaborado practicamente no momento e iso apórtalle sempre a estes produtos toda a frescura e un sabor moi intenso combinado cunha textura perfecta, que os converte nunha opción moi apetitosa de degustar chocolate e de que conquistar aos afillados ou a quen queiras sorprender durante a Pascua.
Coñecendo esta tradición
A orixe da tradición de regalar ovos durante a Pascua conta con distintas teorías. Moitos consideran que é unicamente unha cuestión relixiosa relacionada coa propia celebración da Pascua. Porén, outros moitos atribuínlle unha orixe pagá que afondan xa na altura da Antigua Roma e Persia, varias séculos antes do nacemento de Cristo, e que pouco a pouco foi adoptada polo cristianismo ata os nosos tempos. Unha lenda mesmo di que o primeiro ovo de Pascua entregoullo María Magdalena ao emperador romano Tiberio.
Sexa como for, o ovo sempre tivo un valor importante para moitas culturas, que o converteron nun símbolo de fertilidade, esperanza e renovación. Tamén para a relixión cristiá, xa que os primeiros crentes considerárono un símbolo da resurrección de Xesús, aínda que cando adquire maior protagonismo dentro desta época da Pascua é durante a Idade Media. No século IX, o papa Xulio III prohibiu consumir ovos durante a Coresma, ao consideralos carne, e eran abertos durante o Domingo de Pascua, representando así a resurrección de Xesús e a saída do sepulcro, que estaba representada pola cáscara do ovo.
A tradición de regalar ovos durante a Pascua foise asentando en moitas tradicións e culturas ao longo do mundo. Cada unha decorábaos dun xeito ata que finalmente chegamos ao século XVIII, cando se di que aparece o primeiro ovo de Pascua de chocolate. Foi na corte do rei Luís XIV, o coñecido como Rei Sol. Cóntase que foi el o primeiro en encargarlle ao pasteleiro da corte uns ovos especiais feitos a base de crema de cacao para festexar a chegada da primavera e así sorprender aos seus súbditos.
Pero, ao igual que aconteceu cos primeiros regalos de ovo, hai outros que tamén se adxudican ser os inventores do ovo de Pascua tal e como o coñecemos hoxe. Os ingleses din que o pai desta tradición foi Sir John Cadbury, no 1842, cando mesturou e modelou o chocolate en forma de ovo coma doce de Pascua, pero os italianos tamén se atribúen esta paternidade a través da historia da viúva Giambone, dona dunha chocolatería en Turín e que aló polo 1725 implantou esta tradición ao regalarlle aos seus netos un cesto cheo de palla e ovos de cacao feitos a partir da cáscara baleira doutros de galiña. Foi tan exitosa a súa proposta que se estendeu rapidamente polo resto de reposterías italianas e rápido traspasou fronteiras. Galicia non foi unha excepción e a tradición de que os padriños lle regalen ovos ou monas de Pascua aos afillados está moi asentada na nosa cultura xa desde hai décadas.