Frecha de Chocolate para o 14-F
- Fina Rei
- 14/02/2014
Artigo da Voz de Galicia
A peza da empresa de artesáns do doce Fina Rei vai acompañada dun poema de amor escrito por Yolanda Castaño.
Fina Rei é unha empresa de artesáns do doce de Allariz que leva máis de 40 anos creando os tradicionais amendoados. As novas xeracións apostaron por incorporar outros produtos a súa oferta de repostaría tradicional e onte presentaron a súa última creación: un regalo para San Valentín. A peza é unha frecha de chocolate con leite rematado nun corazón, un bombón de chocolate recheo de framboesa, e as plumas realízanse con chocolate branco.
Preséntase sobre un crocante de canela e vai acompañada dun poema de amor que escribiu para a ocasión Yolanda Castaño.Miguel Mosquera, de Fina Rei, e a escritora presentaron esta fusión de chocolate e poesía galega para namorar na tenda de Ourense. Realizáronse 500 frechas e o prezo destas, segundo o lugar de comercialización, está entre 15 e 20 euros.
http://www.lavozdegalicia.es/sociedad/2013/02/09/0003_201302G9P30991.htm
