Caixa Agasallo Empresas

Esta é unha caixa agasallo para empresas cunha selección dos nosos doces máis representativos.

Emprega o selector para personalizar o turrón que queres recibir: laranxa e canela, marrón glacé, amendoado, café e doce de leite, cava e limón ou licor de herbas. Todos eles son turróns artesanais, elaborados no noso obrador, con ingredientes da máis alta calidade. Para desfrutar ao máximo o sabor deste turrón, recoméndase cortalo en anacos de cómo máximo medio centímetro de grosor.

Nesta caixa, tamén se poden atopar tres chocolates artesanais: chocolate branco con abelás recén tostadas e acarameladas, chocolate negro (71% cacao) con améndoa tostada e acaramelada, ou chocolate con leite (40% cacao) con noces e uvas pasas.

As galletas de nata son unha aposta de Fina Rei no noso 50 aniversario. Reinventamos un produto clásico, que se converten en produto ecolóxico. Ademais, o seu envase é reciclable e biodegradable e pode converterse nunha maceta soterrable. Inclúese un sobre con sementes. Nesta caixa podes atopar as galletas de nata e as galletas de nata e framboesa.

Case imprescindible en calquera caixa elaborada por Fina Rei, ten que haber algún doce tradicional da zona de Allariz. Desta volta incluímos a Torta Real de Allariz e os amendoados de Allariz, os doces máis típicos da repostaría allaricense.

Todas estas delicias envíanse nunha caixa metálica, perfecta para agasallar este Nadal.