Caixa agasallo Chocolatísimo

O turrón entrou a formar parte da nosa repostaría tradicional. Para esta caixa escollemos o Turrón Acisclo. Turrón orixinal, réplica dunha escultura de Acisclo Manzano. Está elaborado con fino chocolate negro con 70% de cacao, recheo de gianduja de café e doce de leite, decorado en bronce con pincel e a man.

Entre os bombóns de Fina Rei escollemos as rochas de améndoa caramelizada. Un elegante estoxo de bombóns que combina os tres tipos de chocolate (negro con 70% de cacao, con leite con 45% de cacao e chocolate branco) con améndoa acaramelada.

O punto máis orixinal póñeno as ostras de Fina Rei. Un estoxo de ostras con catro ostras de chocolate. Chocolate negro e branco na cuncha, cun recheo de crema de amendoado, Brandy e viño albariño.Este produto nace da imaxinación artesá e está inspirado nas nosas rías.

Envíanse os tres produtos nunha coidada caixa metálica que os convirte no regalo perfecto para este Nadal.