Atopa a maxia do Nadal nos doces tradicionais de Fina Rei
O Nadal é unha época de reencontros familiares e de amizades, de celebracións e momentos especiais coas persoas que queremos. En Fina Rei queremos levar os sabores máis auténticos de Allariz á túa mesa nestas datas sinaladas cos nosos produtos máis destacados: os Amendoados e a Torta Real. Que mellor maneira de pechar unha comida de Nadal que cunha sobremesa que nos transporta ao noso fogar?
O vínculo que en Fina Rei compartimos coa repostería tradicional de Allariz é parte viva da memoria que une a tantas familias da nosa terra. Esta tradición, que nos apaixona e simboliza o arraigamento co noso fogar, queremos que nestas datas traspase fronteiras. É importante porque non só fala do noso pasado, senón tamén do camiño que aínda temos por diante.
Os Amendoados e a Torta Real de Allariz
O Amendoado de Allariz envólvete co seu aroma a améndoas tostadas e é un doce que combina a textura crocante co sabor perfecto. A Torta Real ten unha suavidade única e é unha experiencia que encanta dende o primeiro momento. Son estas as características que fan que todos queiran máis.
Con estes doces achégaste á repostería artesanal de Allariz. En Fina Rei levamos décadas elaborando produtos que son saborosos, pero tamén espertan recordos e emocións. Cada peza está preparada coa mesma dedicación e coidado co que se leva traballando durante xeracións. Os seus sabores recórdannos a importancia de compartir, de agasallar momentos especiais e de celebrar con aquelas persoas que fan que estas datas sexan máxicas.
Este Nadal merca un doce co que todos van querer repetir. Comparte cos teus seres queridos unha experiencia única e leva os sabores de Allariz máis alá das nosas fronteiras. Ben sexa para a sobremesa, para facer un agasallo ou simplemente desfrutar dun momento especial, o Amendoado e a Torta Real son a elección perfecta coa que poder ter un acerto seguro e conquistar o padal.
Fai que estas datas sexan inesquecibles grazas ao toque auténtico e tradicional da repostería de Fina Rei. Podes mercalos dende aquí.
